一覺醒來，我躺在大東山的小屋中(一)
痛......！
後腦的一陣劇痛把我從昏睡中醒。"啊。。。"我呻吟著摸上劇痛的頭， "是昨晚喝得太多了嗎？"我努力回憶頭痛的原因，但連一點片斷也想不起來。"頂。。。唔係飲到斷片掛" 頭痛加完全想不起昨晚發生了什麼事， 似乎飲到斷片係最好解釋。
剛回過神來，背上傳來一陣冰涼的感覺。 我用力撐起自已， 才發現原來自已訓左係地下。
"物醉到look 左落床都有架" 個頭痛到咁我仲有心情笑自已都真係好野。
"唔係wow, 呢間唔係我間房黎架wow" 我周圍望一望，"我係邊啊？！"
成個人醒左一醒， 彈起身望住呢間陌生既房間。
呢間係一間長方型既房，兩邊都有窗口，但唔係透明玻璃所以望唔到窗外， 月光透過窗口滲入房內，令我知道而家仲係晚上。 房內空空如也，只有一組台櫈，一個櫃，一面掛牆鏡，同對面牆上掛住一幅畫，因光線太暗睇唔到畫咩。
而我，呢一刻，企左係間房既中間， 開始緊張。。。
"我到底係邊啊？！"
哭泣聲啜毛姨姨， 間房得我一個根本無人會答我。
我努力咁回想發生左咩事， 腦中一片空白，個腦好似新既一樣，頂！
唔理啦，走出去睇下呢度係邊度黎既先。
我行去個門口位， 試圖開門出去睇下。
鎖左？！
鎖左？！
鎖左？！
我好慌， 所以要講3 次。 但改變唔到度門係外面比人反鎖左既事實。
"咩料啊！ 禁室培慾啊？！邊個咁大整蠱啊啊啊！" 我一邊發癲咁搖度門，一邊大叫。
回應我的只有空盪盪既房間。
門開唔到，我唯有行去個窗度試下望下出去睇下呢度係邊度黎。
邊過朦朧既玻璃， 窗外一輪明月掛天上，照耀住成個山頭， 不難看出我而家位置係一個高處山頭。 我再定睛睇清楚周圍景色，茫草？！
係， 漫山遍野既茫草！
長方型屋仔，四處茫草，
大東山？！！！
大東山？！！！
大東山？！！！
我個腦開始處理唔到眼前發生既事。。。
有咩人會因為惡作劇而搬我上大東山先得架， 根本無可能！！！
定係我發緊夢啊？
"啪"
頂。。。好痛！
我用力咁昇左自已一巴，熱辣辣既面頰話我知我唔係發緊夢。
"啲啲啲"
當我仲未係昇自已個一巴回過神黎，我聽到屋頂傳黎敲擊既聲音。。。
第二集LINK：
https://www.facebook.com/notes/%E5%B1%B1%E5%92%A9%E7%B3%BB%E5%A7%90%E6%B7%A8%E4%BF%82%E6%83%B3%E5%BD%B1%E5%BC%B5%E5%91%83like%E7%9B%B8%E5%96%B3getalife-dun-wanna-hike-alone/%E4%B8%80%E8%A6%BA%E9%86%92%E4%BE%86%E6%88%91%E8%BA%BA%E5%9C%A8%E5%A4%A7%E6%9D%B1%E5%B1%B1%E7%9A%84%E5%B0%8F%E5%B1%8B%E4%B8%AD%E4%BA%8C/2185183334841056/
「圖片為GOOGLE示意圖，非本人所攝，如有侵權，煩請告之」
Search